好耐都無打日記la....積積埋埋左好多相.......都係因為自己懶

話說，之前因為要返學，所以夜晚都係事事但但整d野食就算，放假就情願出街食~~~~

而家學就返完，多左時間休下息，再唔整返餐好野俾男友仔食就真係對佢唔住la!!!

今次雖然得2味餸，但都搞左我成2,3個鐘la!!!

最簡單當然係牛扒la~~用d黑椒鹽同香草醃一醃佢，再煎佢幾分鐘就食得~~~

下面係炸蝦丸~~~千奇唔好睇少佢丫，係我辛辛苦苦用生蝦整成ga~~~

先要將d蝦剝殼，再挑腸。

將d蝦吸乾水後，用菜刀橫面大力一拍，再將全部愎慢用力撻佢一陣。

落少許鹽同雞粉去調味。 

分成約干份，搓圓佢~~~~我係蝦丸中間放左少許芝士，咁就有個流沙效果la~~

再分別沾上---粟粉、蛋汁同面包糠。

待油熱後，慢慢放入鑊炸，約2,3分鐘就ok~~~之後等待油熱後再放入鑊炸多一次，咁就會又香口又金黃ga la~~

我仲亂咁整左個汁黎沾佢，出乎意料的好味~~~

我先左大半隻橙的橙汁，加少少煉奶、沙津醬同香油去整~~甜甜地都幾正ga~~