近排因為要返學，所以搞到唔夠時間整野食，加上有次整完搞到個廚房打完仗咁要男友仔洗左成半個鐘.....

自此之後，就俾佢禁止左我係返學日煮飯la~~

今次去左學校附近一間叫"螢大蟲"的地方食野。哩度主打有機食物，仲貼埋張有機證書係餐廳度添~~~

哩度地方唔算大，我諗只可以坐到20人左右，而且睇落似係一定人開ge小型餐廳，地方夠乾淨而且靜靜地幾好~~

我地2個人叫左個pizza餐，自選一款pizza加唔記得幾多錢就多一個飯或意粉，一客瑞士雞翼，一個沙津同2杯野飲。

沙津簡簡單單但勝在d菜真係好新鮮，雖然我唔識點分有機定無機，但佢真係比其他地方爽脆好多~~

下面係勁多芝士的豬頸肉pizza~~個餅底唔會過硬，但又脆卜卜wo...可惜ge係，食完第一塊之後d芝士就凍左唔再起絲la...

我地叫左個海鮮意粉，同樣都係好多芝士ga~~~

哩一餐埋單唔使200蚊，價錢算係中等la~~但新鮮程度就真係得!!!完全即叫即做!!!