星期六終於都電左頭髮la~~~但由於間舖實在太多人幫親la...足足整左5個幾鐘先搞掂...

到左成7點幾先出得間舖個門口...餓到肚仔都打晒鼓...於是就去左附近食印度菜la~~

間舖唔算大，迫迫地擺左約10張枱~~~我地去到時都只係淨返1,2張咋...食食下仲有人要等位添~~~以前真係估唔到哩間野原來咁好生意ga!!!

一坐底佢就拎左個薄片的脆脆黎(因為我唔知佢叫咩名...唯有叫住脆脆先la)，仲有一d有薄荷咪的醬黎~~~沾少少黎食，味道幾fresh~~但沾太多個味就太濃la~~

我地2個人叫左個2人餐~~~價錢係$179，要加一!!

個餐有湯或者咖哩角，我地就一樣叫左一個黎試....個湯一上，就覺得好似d無米粥咁...但食落有d肉，味道唔太淡wo~~都幾得!!!

哩個咖哩角我厭佢個皮太硬，但個汁又甜甜酸酸好得意，入面就成個都係咖哩薯蓉。

哩個係烤雞...但烤得太乾，而且無咩味...

佢有3款咖哩俾你選擇，分別係︰牛肉、羊肉同雞肉。而我地就點左羊肉!!!

我地叫左小辣，佢有好多香料係入面，有別於一般的咖哩，羊肉唔太"so"。雖然好細盤，但都有5,6舊肉ga~~

仲有一盤印度飯及香蔥餅。個飯有太多佢地d香料係度，我唔太習慣個種味道，但個餅就唔錯，沾埋咖哩食就一絕丫!!!

佢ge餐飲唔止一般的咖啡奶茶個d，我地就叫左青檸梳打同埋芒果乳酸~~~青檸梳打好味佐無咩特別；而個芒果乳酸就好濃，男友仔話好食飲緊芒果布甸咁~~哈哈~~