放假陪朋友仔返大陸整砌圖送俾佢男朋友~~佢地5周年la~~真係值得恭喜丫!!!

之後就帶左佢去東門一條叫"海鮮街"的地方食Dinner!!

個度叫"海鮮街"係因為佢有好多酒樓都係以海鮮為sale point!!!而我次次去親都係同一間，叫"湛江漁港"的地方食!!!

要介紹佢，就先要由點餸講起la~~佢門口會有好多唔同海鮮倖你睇，而價錢就會貼晒係牆個度~~你就可以睇下食邊樣就即時同企係個度的服務員講，記住要講埋係想點整丫~~

點好餸就可以坐返底慢慢等食LA!!!佢D杯碗都包好晒~~好似係消毒過咁，信唔信得過就真係唔知，所以都係自己再洗一次穩陣D!!!

我地3個人先先就叫左6個餸~~最後當然唔上la~~因為我成日都會一邊食一邊再叫過~~

餸黎la~~~係唯度食野，最正係你唔使擔心你唔夠錢俾...就好似下面一碟有12隻的小扇貝...都係12蚊~~~無錯!!係一蚊隻咋!!!

值得向大家推介的仲有蠔~~~你想點食就要同佢講la~~我就要左碳燒蠔!!!佢用好多蒜頭去燒，有碳香咪之餘仲有好juicy~~我仲聽到有個大叔叫左"蘇炸生蠔"，下次我都要試下先!!!

令係意想不到的仲有……8蚊一斤蝦，十幾蚊一斤海瓜子，幾蚊一隻鮑魚仔等等!!!!

成枱的野食，埋單都只係180幾人仔，對返港幣大約200蚊左右~~~真係食到要抱住個肚走丫~~~

但係哩d地方食野有少少野要留意!!!第一，就當然係小心你的財物la~~

第二，先搵位後點餸，要留意一下是日有咩特價，因為次次都有d唔同ga~~我比較鍾意住門外或者係地下個層，因為樓上2,3樓比較焗，而且無窗的!!!

第三，個度附近會有d水果檔，但價錢會比其他地方如羅湖商業城貴，如果你都係經羅湖返HK，就唔好係個度買LA~~~

第四，個度不時會d小朋友或者盲人之類走埋黎問你聽唔聽歌，可以即時表演。我雖然未聽過佢地唱歌，但我諗都係少理佢地為妙la~~

第五，回家路線。其實你可以返東門再住返地鐵返去，但其實由個度坐的士到商業城都係20蚊左右~~人多就抵好多!!!因為住返出東門都要十幾蚊la!!