全靠男友仔成日幫我同d菜菜淋水，佢地而家好大個la~~~先介紹返d辣椒先~~~因為無咁多地方安置佢地，青到佢地住得好逼......遲下要拎d返媽咪度先得la~~

其中有棵d葉開始黃黃地...唔通病左...>.<...

通菜插枝種左成十棵，但而家都係死淨2棵咋....過多一排就摘左佢黎食先~~~

最不幸就係櫻桃蘿蔔...因為之前種得太逼，咪幫佢地搬屋lo...點知一搬就死晒...淨返一棵無搬的就健健康康咁成長緊。

之後睇返先知，原來蘿蔔類係唔可以搬屋ga......我害死左佢地丫!!!!!!

粟米都好健康，只係擔心緊佢咁高大，遲d放佢係邊好呢.......

好耐都無打日記la....積積埋埋左好多相.......都係因為自己懶

話說，之前因為要返學，所以夜晚都係事事但但整d野食就算，放假就情願出街食~~~~

而家學就返完，多左時間休下息，再唔整返餐好野俾男友仔食就真係對佢唔住la!!!

今次雖然得2味餸，但都搞左我成2,3個鐘la!!!

之前種ge苗都開始發芽la~~

而家又試種d新野~~上網見人話通菜莖浸下水就會出芽，於曷就買左一斤通菜返屋企食，順便cut幾棵浸下~~~

過左幾日......除左d根長左，仲生緊d芽出黎丫~~當然快快手放佢入泥度la~~

除左通菜，而家仲種緊粟米....種左10幾日，已經有成10cm高la~~~

之前種ge生菜都大左好多la~~

另外仲買左一d種子~~包括櫻桃蘿蔔、紅葉生菜、沙津雜菜同羅勒。

制作中………

自家制---棷子殼盆栽

近排因為要返學，所以搞到唔夠時間整野食，加上有次整完搞到個廚房打完仗咁要男友仔洗左成半個鐘.....

自此之後，就俾佢禁止左我係返學日煮飯la~~

今次去左學校附近一間叫"螢大蟲"的地方食野。哩度主打有機食物，仲貼埋張有機證書係餐廳度添~~~

哩度地方唔算大，我諗只可以坐到20人左右，而且睇落似係一定人開ge小型餐廳，地方夠乾淨而且靜靜地幾好~~

自給自足~~~我都好想可以做到.......

剛剛開始學種野，由於地方有限，可以種ge野真係唔多，而家只係得2盆野...分別係.......

辣椒仔

仲有未出世的生菜.....

因為放左係男友仔屋企，所以一個星期都係見得佢地幾次.....尋日聽男友仔講，生菜BB終於出世la~~~好感動喲!!!

星期六收左工就再去買d新成員返黎~~~今次要種通菜同薄荷!!!!!

星期六終於都電左頭髮la~~~但由於間舖實在太多人幫親la...足足整左5個幾鐘先搞掂...

到左成7點幾先出得間舖個門口...餓到肚仔都打晒鼓...於是就去左附近食印度菜la~~

放假陪朋友仔返大陸整砌圖送俾佢男朋友~~佢地5周年la~~真係值得恭喜丫!!!

之後就帶左佢去東門一條叫"海鮮街"的地方食Dinner!!

個度叫"海鮮街"係因為佢有好多酒樓都係以海鮮為sale point!!!而我次次去親都係同一間，叫"湛江漁港"的地方食!!!

要介紹佢，就先要由點餸講起la~~佢門口會有好多唔同海鮮倖你睇，而價錢就會貼晒係牆個度~~你就可以睇下食邊樣就即時同企係個度的服務員講，記住要講埋係想點整丫~~

一直都好想可以好似雀係咁飛，自由自在咁......但現實又點可以做到呢....最好咪坐下滑翔機之類.....

就因為要滿足我地平常無可能做到ge事，所以先要發夢~~(好似講到好無哩頭咁添..." 哈哈~~~)

其實我都幾鍾意發夢....甚至可以講得上享受~~~XD

係夢入面，成日都可以周圍飛......有時就會好似識輕功咁，不停係空中跳黎跳去~~~都幾好玩GA!!!

返工太得閒，一直都好想搵d野黎學下~~增值自己ma~~^^"

由前年開始就一直講.....講到而家終於都報左名la~~~

一口氣報左2樣野黎學~~~~第一樣係陪個朋友仔一齊學的游水，打算順便減下肥都好~~嘻嘻~~~

第2樣就係--會計!!!

加入左BloggerAds已經有一個星期la~~~今日上去睇吓~~~

累積收益：NT $0.35

哈哈哈~~~咁換返港幣咪一仙都無~~

唔緊要la~~哩d都係額外收益黎姐...最重要係有人鍾意我個blog~~

如果大家都想自己個blog幫你賺鏘，咁就快d click下面個logo，加入la~~~(俾多幾個大家la~~^0^)